Симоне Инзаги «Интер» бош мураббийи этиб тайинланди. Бу ҳақда клуб матбуот хизмати хабар бермоқда.
Милан клуби «Лацио» собиқ устози билан 2023 йилнинг июнига қадар шартнома имзолаган. У ушбу лавозимда «Интер»ни А Серия чемпиони қилган Антонио Контенинг ўрнини эгаллайди.
Маълумот учун, Инзаги 1999—2010 йилларда футболчи сифатида «Лацио» шарафини ҳимоя қилиб, Италия чемпионати, мамлакат Кубоги (уч марта), Суперкубоги ва УЕФА Суперкубогида ғалаба қозонган.
2016—2021 йилларда эса у Рим клубида мураббий сифатида фаолият юритиб, Италия Кубоги ва Суперкубогини қўлга киритган.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)