Коронавирус пандемияси сабаб бир йилга муддатга кечиктирилган футбол бўйича Европа чемпионати—2020 июнь июль ойларида минтақанинг ўнта шаҳрида бўлиб ўтади. «Дарё» Евро—2020 олдидан терма жамоалар ва гуруҳлардаги ҳолатга қисқа шарҳ бериб ўтади. Мазкур сонда А гуруҳи вакилларига тўхталиб ўтамиз.
А гуруҳи- Италия
- Туркия
- Уэльс
- Швейцария
Италия
- Бош мураббий: Роберто Манчини
- ФИФА рейтинги: 7-ўрин
- Евродаги энг яхши натижаси: Олтин (1968 йил)
- Юлдуз футболчилар: Леонардо Бонуччи, Марко Верратти, Чиро Иммобиле
Евро—2016 мусобақасини ўтказиб юборган жамоа бу сафар жуда ишончли ўйин кўрсатган ҳолда бўлажак турнирнинг фаворитлари қаторида эътироф этилмоқда. «Скуадра Адзурра» сўнгги мағлубиятни 2018 йилнинг октябрида қабул қилиб олганди. Миллатлар Лигаси ярим финалида жамоа Португалияга имкониятни бой бериб қўйган. Ўшандан буён Италия бирор марта ҳам мағлуб бўлмади.
Бироқ итальянларни осон бўлмаган гуруҳ ўйинлари кутиб турибди. Кейинги жамоалар деярли бир хил даражада ва Италиядан ном борасида ортда қолади, холос. Қизиғи, Италиянинг минтақавий мусобақадаги натижалари Жаҳон Чемпионатларидаги каби мақтанарли эмас. Тўрт бор мундиал ғолиби бўлган апеннинликлар Европа биринчилигида бор йўғи бир бор, ўшанда ҳам омад эвазига (Евро—1968 ярим финалида СССР терма жамоаси билан дурангдан кейин қуръага кўра финалга йўл олади) ғолибликни қўлга киритган.
Манчини мусобақа учун қуйидаги футболчиларни танлаб олган:
Дарвозабонлар: Жанлуижи Доннарумма («Милан»), Алекс Мерет («Наполи»), Салваторе Сиригу («Торино»);
Ҳимоячилар: Франческо Ачерби («Лацио»), Алессандро Бастони («Интер»), Леонардо Бонуччи, Жоржио Кьеллини (иккиси «Ювентус»), Жованни ди Лоренцо («Наполи»), Эмерсон Палмери («Челси»), Алессандро Флоренци («ПСЖ»), Леонардо Спинаццола («Рома»), Рафаэл Толои («Аталанта»);
Ярим ҳимоячилар: Николо Барелла, Стефано Сенси (иккиси «Интер»), Жоржиньо («Челси»), Мануэль Локателли («Сассуоло»), Бриан Кристанте, Лоренцо Пеллегрини (иккиси «Рома»), Марко Верратти («ПСЖ»);
Ҳужумчилар: Андреа Белотти («Торино»), Доменико Берарди («Сассуоло»), Федерико Бернардески, Федерико Кьеза (иккиси «Ювентус»), Чиро Иммобиле («Лацио»), Лоренцо Инсинье («Наполи»).
Туркия
- Бош мураббий: Шенол Гюнеш
- ФИФА рейтинги: 29-ўрин
- Евродаги энг яхши натижаси: Бронза (2008 йил)
- Юлдуз футболчилар: Чағлар Сўюнжю, Хоқон Чалхонўғлу, Бурак Йилмаз
Туркия терма жамоасининг кўплаб футболчилари Европа миллий чемпионатларида ёрқин мавсумни ўтказди. Терма жамоа сардори Бурак Йилмаз, ҳимоячи Зеки Челик ва ярим ҳимоячи Юсуф Язижи «Лилль» сафида Лига 1 ғолиблигини қўлга киритди. Чалхонўғлу «Милан»нинг асосий фигурасига айланган бўлса, Озан Кабак ван Дейксиз қолган «Ливерпуль» марказий ҳимоясининг асосий вакилига айланди. «Лестер»даги Чағлар Сўюнжю эса АПЛда мавсумнинг энг яхши ҳимоячиларидан бири бўлди.
Туркия мураббийлар штаби мусобақа учун қуйидаги таркибни танлаб олди:
Дарвозабонлар: Алтай Байиндир («Фенербаҳче»), Мерт Феҳми Гюнок («Истанбул»), Уғуржан Чақир («Трабзонспор»);
Ҳимоячилар: Зеки Челик («Лилль»), Чағлар Сўюнжю («Лестер»), Кан Айҳан, Мерт Мюльдюр (иккиси «Сассуоло»), Мериҳ Демирал («Ювентус»), Ўзан Кабак («Шалке»), Ридвон Йилмаз («Бешиктош»), Умут Женгиз («Гавр»);
Ярим ҳимоячилар: Юсуф Язижи («Лилль»), Дорукҳан Токёз («Бешиктош»), Ирфон Кахвежи, Ўзан Туфан (иккиси «Фенербаҳче»), Окай Ёкушлу («Сельта»), Оркун Кёкчю («Феенорд»), Тайлан Анталяли («Галатасарой»), Хоқон Чалхонўғлу («Милан»);
Ҳужумчилар: Бурак Йилмаз («Лилль»), Женгиз Ўндер («Рома»), Энес Унал («Хетафе»), Абдулқодир Омюр («Трабзонспор»), Керем Актуркўғлу («Галатасарой»), Халил Дервишўғлу («Брентфорд»), Кенан Караман («Фортуна»).
Уэльс
- Бош мураббий: Райан Гиггз (Роб Пейж)
- ФИФА рейтинги: 17-ўрин
- Евродаги энг яхши натижаси: Ярим финал (2016 йил)
- Юлдуз футболчилар: Гарет Бэйл, Аарон Рэмзи
2020/21 йилги мавсум Уэльс юлдузлари учун осон бўлди деб бўлмайди. Жамоанинг ҳужумдаги юлдузи Гарет Бэйл мавсум якунига келибгина ўзини намойиш қила бошлади, бироқ барқарорлик борасида «голфчи» у қадар мақтана олмайди. Аарон Рэмзи эса «Ювентус» захирасида қолиб кетди. Бу ҳам етмаганидек жамоа Европа чемпионатига бош мураббийсиз боради. Гиггз жинсий зўравонликда айбланмоқда ва шу сабаб Евро—2020 ни ўтказиб юборадиган бўляпти.
Уэльснинг Евро—2020 учун қайдномаси:
Дарвозабонлар: Уэйн Ҳеннесси («Кристал Пэлас»), Дэнни Уорд («Лестер»), Адам Дэвис («Сток Сити»);
Ҳимоячилар: Крис Гантер («Чарлтон Атлетик»), Бен Дэвис, Жо Родон (иккиси «Тоттенҳэм»), Крис Мифам («Борнмут»), Том Локер («Лутон Таун»), Неко Уильямс («Ливерпуль»), Рис Норрингтон-Дэвис («Сток Сити»), Коннор Робертс, Бен Кабанго (иккиси «Суонси»);
Ярим ҳимоячилар: Аарон Рэмзи («Ювентус»), Жо Аллен («Сток Сити»), Жонни Уильямс («Кардифф»), Ҳарри Уилсон («Ливерпуль»), Итан Ампаду («Челси»), Дэвид Брукс («Борнмут»), Жо Моррелл («Лутон Таун»), Мэттью Смит («Манчестер Сити»), Дилан Левитт («Манчестер Юнайтед»), Рубин Колуилл («Кардифф »);
Ҳужумчилар: Гарет Бэйл («Тоттенҳэм» / «Реал»), Киффер Мур («Кардифф»), Тайлер Робертс («Лидс»), Дэниэл Жеймс («Манчестер Юнайтед»).
Швейцария
- Бош мураббий: Владимир Петкович
- ФИФА рейтинги: 13-ўрин
- Евродаги энг яхши натижаси: 1/8 финал (2016 йил)
- Юлдуз футболчилар: Гранит Жака, Жердан Шакири, Мануэль Аканжи
Швейцария камтарона таркибга эга бўлсада мусобақаларда доим етакчиларга муаммо туғдириши билан ёдда қолган. Бу сафар ҳам Петкович жамоасини осон бўлмаган синов кутиб турибди.
Швейцариянинг Евро—2020 учун қайдномаси қуйидаги кўринишни олди:
Дарвозабонлар: Ивон Мвого («ПСВ»), Йонас Омлин («Монпелье»), Янн Зоммер («Боруссия М»);
Ҳимоячилар: Мануэль Аканжи («Боруссия Д»), Лорис Бенито («Бордо»), Эрай Жемерт («Базел»), Нико Эльведи («Боруссия М»), Жордан Лотомба («Ницца»), Кевин Мбабу («Вольфсбург»), Бечир Омерагич («Сюрих»), Рикардо Родригес («Торино»), Фабиан Шер («Ньюкасл»), Сильван Видмер («Базел»);
Яримҳимоячилар: Кристиан Фасснахт («Янг Бойз»), Эдимилсон Фернандес («Майнц»), Ремо Фройлер («Аталанта»), Марио Гавранович («Динамо Загреб»), Адмир Меҳмеди («Вольфсбург»), Гранит Жака («Арсенал»), Денис Закария («Боруссия М»), Жибрил Соу («Айнтрахт Ф»), Рубен Варгас («Аугсбург»);
Ҳужумчилар: Брил Эмболо («Боруссия М»), Жердан Шакири («Ливерпуль»), Ҳарис Сеферович («Бенфика»), Стивен Зубер («Айнтрахт Ф»).
Европа чемпионати 11 июнда Туркия ва Италия терма жамоалари ўртасидаги баҳс билан бошланади. Мусобақанинг финал ўйини 11 июлга мўлжалланган.
Нодирхон Ҳамидхонов тайёрлади
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)