Бухоро вилояти ҳудудларида 31 май куни кучли шамол ва чанг бўронлари кузатилди. Бу ҳақда ижтимоий тармоқларда видеохабарлар қолдирилган.
Эслатиб ўтамиз, Тошкент шаҳрида 29 май куни соат 21:00 атрофида бошланиб, тахминан, бир соатдан ортиқ давом этган кучли шамол чанг бўронларини келтириб чиқарганди. Шу куни чанг бўрони сабаб Бухородан келаётган чартер рейс Тошкентга қўна олмаган.
Telegram’даги «Гидрометеорологик илмий таҳлиллар, об-ҳаво башоратлари, тадқиқотлар» каналининг ёзишича, 2 июнь куни соат 14:30 да Наманган шаҳрида булутости шамоллари ҳавонинг ўта қуруқлиги боис кучсиз чанг бўронларини келтириб чиқарган.
Таъкидланишича, шаҳарда шамол тезлиги сониясига 11 метрга кучайган. «14:42 да Наманган шаҳрида кўринувчанлик 2600 метргача чекланган кучсиз чанг бўронлари юзага келди. Шамол тезлиги кучайганда сониясига 17 метргача етди», — дейилади хабарда.
Аввалроқ 20 май куни Тошкентда кузатилган кучли шамол ерусти метро бекатларидан бирининг том қисмига зарар етказгани, 29 май куни Фарғона вилоятининг Фарғона тумани Водил ҳудудларида кучли шамол ва чанг бўронлари кузатилгани ҳақида хабар берилган эди.
Изоҳ (0)