Ijtimoiy tarmoqlarda 20-may kuni Toshkentda kuzatilgan kuchli shamol yerusti metro bekatlaridan birining tom qismiga zarar yetkazgani tasvirlangan video tarqaldi.
Videodan ko‘rish mumkinki, Toshkentdagi yerusti metrosi bekatlaridan birining tomidagi qoplamalar shamolda uchib ketgan. Metropoliten xodimlari uchib tushayotgan panellar harakatlanayotgan avtomobillarga shikast yetkazmasligi uchun ularni yo‘l chetiga tashigan.
“Xabar.uz”ning yozishicha, kuchli shamol oqibatida Sergeli va Zangiota tumanlariga tegishli “O‘zgarish” hududida elektr tarmog‘ida uzilish yuzaga kelgan. Shuningdek, Toshkent viloyatining Olmaliq shahridagi ayrim mahallalar, Angren shahrining katta qismi elektr ta’minotisiz qolgan. Ohangaron shahrida shamol ta’sirida hatto ichimlik suvi ham o‘chgan.
Mavzuga doir: Toshkent markazida kuchli shamol oqibatida Malibu ustiga daraxt quladi. Haydovchi qiz jarohat olgani aytilmoqda
