Интернетда Galaxy Z Fold Tab’нинг эҳтимолий дизайнларидан бирини ўзида акс эттирган янги концептуал рендерлар пайдо бўлди. Тасвирлар бренд ишқибозлари томонидан Samsung’нинг ҳақиқий патенти асосида яратилган, деб хабар беради Hi-Tech.Mail.ru.
Йиғма планшет иккита букланиш жойига эга бўлиб, улар ёрдамида катта экран учта кичик бўлакка айланади. Тўлиқ йиғилган планшетни куртка ҳамёнида кўтариб юриш осон бўлади — қурилма ўлчами жиҳатидан смартфонни ёдга солади.
Galaxy Z Fold Tab Samsung’нинг қолган букланувчи линейкаси ғоясини давом эттириши лозим. Планшет ҳақида ҳозирча бошқа батафсил маълумотлар йўқ.
Эслатиб ўтамиз, Samsung’нинг ҳозирга қадар Galaxy Z Flip номли «раскладушкаси», бир вақтнинг ўзида смартфон ва планшет вазифасини ўтайдиган гибрид Galaxy Z Fold 2 модели мавжуд. Август ойида ўтказилиши кутилаётган Galaxy Unpacked давомида Samsung ўзининг янги Galaxy Z Flip 2, Galaxy Z Fold 3 ва бошқа қурилмаларни тақдим этиши кутилмоқда.
Изоҳ (0)