Bugun,

  • USD 11095.31
  • RUB 173.84
  • EUR 10772.44

Samsung Electronics kompaniyasi “Buklanadigan elektron qurilma va uning yordamida bioma’lumotlarni baholash usuli” nomli patentni 2020-yilning aprelida AQSh Patent va tovar belgilari idorasi (USPTO) hamda Butunjahon intellektual mulk tashkilotiga (WIPO) topshirgan edi. Hujjatlar 2021-yilning 25-martida tasdiqlangan va e’lon qilingan,  deb xabar beradi IXBT.

Foto: LetsGoDigital

Foto: LetsGoDigital

Patentdagi tasvirni ifodalashda Galaxy Fold uslubidagi smartfondan foydalanilgan bo‘lib, u teng ikki qismga buklana oladi. Izohda qayd etilishicha, ushbu texnologiyadan, shuningdek, Galaxy Z Flip’da ham foydalanish mumkin.

Ekranning pasti qismidagi egiluvchan ekranda ikkita tasvir datchigi joylashgan. Ko‘rsatkich barmoqni datchiklardan biri yoki ikkalasiga qo‘yish orqali turli ma’lumotlarni olish mumkin, masalan, yurak urishi yoki arterial bosim. Bundan tashqari, uyqu arteriyasining holatini tekshirish va xolestirin miqdori haqida ma’lumotlarni olsa bo‘ladi. Shu bilan birga, qurilma arteriyalar devorlarining qattiqligi, stress va charchoq darajasini baholashga qodir.

Samsung, shuningdek, muqobil variant sifatida datchiklarni qurilmaning tashqi tomoniga joylashtirishi mumkin. O‘lchash kaftni unga bosish orqali amalga oshiriladi. Bundan tashqari, quyidagi suratda ko‘rsatilganidek qurilaning ikki uchidan ushlash orqali ham ushbu amalni bajarish mumkin.

Foto: LetsGoDigital

Foto: LetsGoDigital

O‘lchashdagi aniqlikni ta’minlash maqsadida Samsung foydalanuvchining jinsi, og‘irligi va tana massasining indeksini hisobga oladi. Shuningdek, havo harorati va namlik borasidagi ma’lumotlarni olish uchun atrof-muhitdagi vaziyat ham o‘lchanadi. Shundan so‘ng, foydalanuvchi o‘z sog‘lig‘i borasidagi ma’lumotlarga ega bo‘ladi.

Avvalroq Samsung kompaniyasi kvant himoyaga ega Galaxy Quantum 2 smartfonini taqdim etgani to‘g‘risida xabar berilgandi.

Izoh
Asosiy yangiliklar
Mahalliy
Samarqandda 2 kishi ovqatdan zaharlanib vafot etdi
Mahalliy
Toshkentda avtobusning yurgan masofasiga qarab to‘lov qilish tizimi yo‘lga qo‘yiladi
Mahalliy
Aholining valyuta ayirboshlashga yoʻnaltirgan pul mablagʻlari hajmi 68 foizga oʻsdi — Markaziy bank