Apple компанияси MagSafe магнит қувватлантиргичини 2020 йилда — iPhone 12 смартфонлари серияси билан бирга тақдим этган эди. Тизим блогерлар ва экспертлар томонидан яхшилаб ўрганилган, бироқ вақт ўтган сари фойдаланувчилар MagSafe’нинг «ҳужжатлаштирилмаган» янги имкониятларидан хабар топмоқда, деб хабар беради IXBT.
Аввалроқ iPhone 12 смартфонлари ички MagSafe магнитлари ёрдамида қумдаги темирларни йиғишга қодир эканлиги маълум бўлганди. Энди эса iPhone’даги MagSafe магнитлари Берлиндаги канал остидан смартфонни «тутишга» ёрдам берди.
Фредерик Ридел исмли дастурчининг Twitter’даги саҳифасида ёзишича, унинг дўсти 29 май куни iPhone 12 Pro смартфонини Берлиндаги каналга тушириб юборган. Бир метр чуқурликдаги сув остидан iPhone 12 Pro’ни топиш борасидаги уринишлар бесамар кетган.
Шундан сўнг дўстлар «магнитли қармоқ» ясаб, смартфоннинг орқа панелидаги MagSafe магнити ёрдамида канал остидан iPhone 12 Pro’ни чиқариб олишга муваффақ бўлган.
Тунги соат 03:00 ларда сув остидан чиқариб олинган смартфон нормал ҳолатда ишлаётган бўлган, сув остида бир неча соат ётганига қарамай, батарея қуввати деярли камаймаган.
Изоҳ (0)