Swatch жамоаси NASA астронавтларининг скафандрларидан илҳомланиб яратилган соатларини тақдим этди, деб хабар беради «Afisha.uz».
Биринчи бор 1983 йилда кийилган машҳур оқ скафандр кўриниши 47 миллиметрли Big Bold Chrono Extravehicular’да акс этган. Қутқарув операциялари учун мўлжалланган костюм эса 47 миллиметрли Big Bold Chrono Launch соатида ўз кўринишини топган.
Тақдим этилган линейкадан бешта соат модели ўрин олган бўлиб, уларнинг учтаси биокерамикадан яратилган. Ушбу материалнинг учдан икки қисмини керамика, бир қисмини — биологик манбалардан олинган пластик ташкил этади.
Соатлар нархи ҳозирча номаълум. Коллекцияни Swatch брендининг сайти орқали 2021 йил 5 июндан харид қилиш мумкин бўлади.
Аввалроқ Porsche компанияси Швейцариянинг соат ишлаб чиқарувчи TAG Heuer фирмаси билан ҳамкорликни бошлагани тўғрисида хабар берилганди. Коллобрация доирасида тақдим этиладиган биринчи маҳсулот 6050 долларлик TAG Heuer Carrera Porsche Chronograph қўл соатлари бўлган.
Изоҳ (0)