Internetda Galaxy Z Fold Tab’ning ehtimoliy dizaynlaridan birini o‘zida aks ettirgan yangi konseptual renderlar paydo bo‘ldi. Tasvirlar brend ishqibozlari tomonidan Samsung’ning haqiqiy patenti asosida yaratilgan, deb xabar beradi Hi-Tech.Mail.ru.
Yig‘ma planshet ikkita buklanish joyiga ega bo‘lib, ular yordamida katta ekran uchta kichik bo‘lakka aylanadi. To‘liq yig‘ilgan planshetni kurtka hamyonida ko‘tarib yurish oson bo‘ladi — qurilma o‘lchami jihatidan smartfonni yodga soladi.
Galaxy Z Fold Tab Samsung’ning qolgan buklanuvchi lineykasi g‘oyasini davom ettirishi lozim. Planshet haqida hozircha boshqa batafsil ma’lumotlar yo‘q.
Eslatib o‘tamiz, Samsung’ning hozirga qadar Galaxy Z Flip nomli “raskladushkasi”, bir vaqtning o‘zida smartfon va planshet vazifasini o‘taydigan gibrid Galaxy Z Fold 2 modeli mavjud. Avgust oyida o‘tkazilishi kutilayotgan Galaxy Unpacked davomida Samsung o‘zining yangi Galaxy Z Flip 2, Galaxy Z Fold 3 va boshqa qurilmalarni taqdim etishi kutilmoqda.
Izoh (0)