Тошкент шаҳар ИИББ ҳамда Бош прокуратура департаменти ҳамкорлигида ўтказилган тезкор тадбир давомида 13 ёшли қизини 3,5 минг долларга сотишга уринган аёл қўлга олинди. Бу ҳақда «Ёшлар» телеканалининг «Янги даври» дастурида маълум қилинди.
Маълум қилинишича, Олеся исмли аёл ИИБга ариза билан мурожаат қилиб, Оксана исмли фуқаро ўзининг вояга етмаган қизини 3,5 минг долларга сотаётганини билдириб, ҳолат бўйича қонуний чора кўрилишини сўраган.
Мазкур ариза юзасидан ўтказилган тезкор-суриштирув ишлари натижасида кўра, Оксана 13 ёшли Р. исмли қизини 3,5 минг долларга сотаётган вақтида далилий ашёлар билан қўлга олинган.
«Оиламиз жуда қийин аҳволда қолган, эрим — ногирон, ўзим эса ишсизман. Менга Олесяга фарзанд кераклигини, уларнинг оиласи яхши эканини айтишди. Қанчалик оғир бўлмасин, қизимни уларга беришга мажбур бўлдим. Аниқроғи вояга етгунга қадар уларникида яшаб туришига рози бўлдик. Олган пулларни уйимизни таъмирлаш ва эримни даволаниши учун сарфламоқчи эдим», — дейди аёл.
Мавзуга доир:
Изоҳ (0)