Toshkent shahar IIBB hamda Bosh prokuratura departamenti hamkorligida o‘tkazilgan tezkor tadbir davomida 13 yoshli qizini 3,5 ming dollarga sotishga uringan ayol qo‘lga olindi. Bu haqda “Yoshlar” telekanalining “Yangi davri” dasturida ma’lum qilindi.
Ma’lum qilinishicha, Olesya ismli ayol IIBga ariza bilan murojaat qilib, Oksana ismli fuqaro o‘zining voyaga yetmagan qizini 3,5 ming dollarga sotayotganini bildirib, holat bo‘yicha qonuniy chora ko‘rilishini so‘ragan.
Mazkur ariza yuzasidan o‘tkazilgan tezkor-surishtiruv ishlari natijasida ko‘ra, Oksana 13 yoshli R. ismli qizini 3,5 ming dollarga sotayotgan vaqtida daliliy ashyolar bilan qo‘lga olingan.
“Oilamiz juda qiyin ahvolda qolgan, erim — nogiron, o‘zim esa ishsizman. Menga Olesyaga farzand kerakligini, ularning oilasi yaxshi ekanini aytishdi. Qanchalik og‘ir bo‘lmasin, qizimni ularga berishga majbur bo‘ldim. Aniqrog‘i voyaga yetgunga qadar ularnikida yashab turishiga rozi bo‘ldik. Olgan pullarni uyimizni ta’mirlash va erimni davolanishi uchun sarflamoqchi edim”, — deydi ayol.
Mavzuga doir:
Izoh (0)