«Реал» ҳимоячиси ва сардори Серхио Рамос фаолиятини Англияда давом эттириши мумкин, деб хабар беради ESPN.
Манбага кўра 35 ёшли футболчи «Манчестер Сити» назарига тушган. Футболчининг тажрибаси ва етакчилик қобилиятини ҳурмат қиладиган Хосеп Гвардиола шахсан ўзи бу трансферга қизиқмоқда. «Шаҳарликлар» испаниялик ҳимоячига яна бир йилга узайтириш имконияти билан 2 йиллик шартнома таклиф қилмоқда.
Аввалроқ Мадрид жамоаси Рамос билан шартнома борасида келиша олмагани ҳақида хабарлар чиққан эди. Ҳимоячининг «Реал» билан амалдаги шартномаси 2021 йилнинг ёзида ўз ниҳоясига етади.
Эслатиб ўтамиз, Рамос 2005 йилдан буён «Реал» шарафини ҳимоя қилиб келади. Ла Лига 2020/21 йилги мавсумида ҳимоячи 21 ўйинда майдонга тушиб, 4 та гол ва 1 та голли узатмани ўз ҳисобига ёздириб қўйган.
Мавзуга доир: Ҳашаматли уй, машиналар ва сузиш. Мадриднинг ҳимоя қўрғони Серхио Рамос қандай ҳаёт кечиради?
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)