Амалдаги чемпион Миразизбек Мирзахалилов Осиё чемпионати финалида мўғулистонлик боксчига ютқазиб қўйди

Бокс бўйича катталар ўртасидаги Осиё чемпионатининг финал баҳслари 31 май, душанба куни бўлиб ўтмоқда.

-56 кг вазн тоифасидаги боксчилар ўртасидаги жангда Миразизбек Мирзахалилов мўғулистонлик Харку Энх-Амарга 3:2 ҳисобида мағлуб бўлди. Қайд этиш керак, жанг мобайнида Мирзахалилов кўп жабҳада рақибидан устунроқ ҳаракат қилди, бироқ ҳакамлар қарорига кўра ғалаба Энх-Амарга берилди.

Аввалроқ Нодиржон Мирзааҳмедов (-49 кг) ва Шаҳобиддин Зоиров (-52 кг) финални ғалаба билан якунлаб, Осиё чемпионлигини қўлга киритганди.

Маълумот учун, Миразизбек амалдаги Жаҳон ва Осиё чемпиони ҳисобланади. Ўзбекистонлик боксчи 2019 йилда Банкокда ўтказилган Осиё биринчилиги ва Екатеринбургдаги Жаҳон чемпионатида олтин медалга эга чиққанди. Шунингдек, у 2018 йилги Осиё ўйинлари чемпиони ҳисобланади.