Америка Кубоги—2021 га қайси давлат мезбонлик қилиши маълум бўлди.
Жанубий Америка футбол конфедерацияси (CONMEBOL) мусобақа Бразилияда бўлиб ўтишини маълум қилди. Америка Кубоги аввалдан белгиланган саналар — 11 июндан 10 июлгача бўлган муддатда бўлиб ўтади. Ташкилот мусобақа ўйинларини ўтказадиган стадионлар ҳақида кейинроқ маълумот берилишини қўшимча қилган.
Мусобақа мезбонлиги аслида Колумбия ва Аргентинага берилганди. Аммо кейинчалик ҳар иккала давлатдан ҳам мезбонлик ҳуқуқи олиб қўйилди. Колумбия мамлакатдаги сиёсий вазият туфайли мезбонликдан маҳрум қилинган бўлса, Аргентинада бунга коронавирус пандемияси билан боғлиқ вазият сабаб бўлди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)