Аргентиналик ҳужумчи Серхио Агуэро фаолиятини «Барселона»да давом эттиради.
Ҳужумчи каталон клуби 2023 йилнинг ёзига қадар мўлжалланган шартнома имзолаган. Бу ҳақда италиялик журналист Фабрицио Романо хабар қилмоқда.
«Барселона» расмий сайтида Агуэронинг таништирув маросими маҳаллий вақт билан 18:15 да (Тошкент вақти билан 21:15) бошланиши маълум қилинган.
Агуэро 2011 йилдан буён «Манчестер Сити»да ҳаракат қилиб келаётганди. Футболчи 2020/21 йилги мавсум якунида эркин агент мақомида жамоани тарк этди. 32 ёшли футболчи «Манчестер Сити» сафида умумий ҳисобда 390 та ўйин ўтказиб, 260 та гол муаллифига айланди.
Романога кўра «Барселона» Эрик Гарсия, Эмерсон Royal ва Жоржиньо Вейналдум трансферларини ҳам амалга оширади.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)