Ўзбекистонда ҳар йили 500 га яқин номусга тегиш ва номусга тегишга уриниш жиноятлари қайд этилади. Бу ҳақда Давлат статистика қўмитаси маълумотлари гувоҳлик бермоқда.
Қўмитанинг сўнгги 14 йил бўйича тақдим этилган маълумотига кўра, мамлакатда охирги уч йилда бу кўрсаткич сезиларли пасайган. Номусга тегиш ва номусга тегишга уриниш бўйича расман қайд этилган жиноятлар 2014 йилда юқори бўлган — 635 нафар аёл ушбу жиноят қурбони бўлган. Энг кам кўрсаткич эса 2019 йилда қайд этилган — 204 та.
Қуйида сўнгги 14 йил давомида мамлакатда расман рўйхатга олинган номусга тегиш ва номусга тегишга уриниш жиноятлари сони келтирилди:
- 2007 йил — 474;
- 2008 йил — 541;
- 2009 йил — 520;
- 2010 йил — 494;
- 2011 йил — 537;
- 2012 йил — 613;
- 2013 йил — 592;
- 2014 йил — 635;
- 2015 йил — 583;
- 2016 йил — 442;
- 2017 йил — 379;
- 2018 йил — 218;
- 2019 йил — 204;
- 2020 йил — 217.
Сенатнинг Суд-ҳуқуқ масалалари ва коррупцияга қарши курашиш қўмитаси раиси Наримон Умаров Олий Мажлис Сенатининг 23 апрель куни ўтказилган ялпи мажлисида 2020 йилда номусга тегиш жинояти 27,7 фоизга ошганини айтганди.
Изоҳ (0)