Samsung Electronics компанияси Galaxy S21 Ultra 5G’нинг имкониятлари билан бирга iPhone 12 Pro Max устидан кулгани намойиш этилган янги реклама роликлари билан бўлишди, деб хабар беради IXBT.
15 сонияли роликларда Samsung ва Apple флагманларининг асосий камералари имкониятлари таққосланган. Ролик аввалида Your phone upgrade shouldn’t be a downgrade («Телефонингизнинг янгиланиши ёмонлашув бўлиши керак эмас») шиори кўрсатилган.
Роликда асосан смартфонлардаги зум ва телеобъектив фарқлари намойиш этилган ва охирида томошабинга савол билан юзланилган: «Етарлича яқинми?».
Иккинчи роликда эса йирик пландаги деталлар таққосланган ва томошабиндан «Етарлича батафсилми?», дея сўралган. Табиийки, иккала ҳолатда ҳам орадаги фарқ яққол кўзга ташланади ва бу iPhone 12 Pro Max фойдасига эмас.
Аввалроқ Samsung Galaxy S21 Ultra ва iPhone 12 Pro Max мустаҳкамлик тестидан ўтказилган эди. Тест натижаларига кўра, Galaxy S21 Ultra Apple маҳсулотидан кўра зарбаларга бардошлироқ чиққан.
Изоҳ (0)