Хитойда Redmi бренди янги ҳамёнбоп смартфон — Redmi Note 10 Pro ҳамда симсиз Redmi AirDots 3 Pro наушникларини тақдим этди, деб хабар беради «Afisha.uz».
Redmi AirDots 3 Pro
Янги наушниклар бир вақтнинг ўзида иккита қурилмага уланишга ва мусиқани жуда кичик узилишлар — 69 миллисония билан ижро этишга қодир ҳамда Bluetooth 5.2 билан жиҳозланган. Овоз сифатига тўққиз миллиметрли драйверлар жавоб беради. Шунингдек, наушниклар шовқин сўндириш тизимига эга бўлган ва IPX4 стандарти бўйича намликдан ҳимояланган.
Наушниклар кейси Redmi AirDots 3 га нисбатан катталашган, бироқ симсиз қувватланиш функциясига эга бўлган. Ишлаб чиқарувчи бир марта қувватланиш орқали 28 соат мусиқа тинглаш мумкинлигини ваъда қилмоқда. Наушникларнинг оқ ва қора рангдаги версиялари Хитойда 47 доллардан сотувга чиқади.
Redmi Note 10 Pro
Янги модель 2400х1080 пиксел, 120 герцли янгиланиш частотасига эга 6,6 дюймли IPS экранга эга бўлган, Corning Gorilla Glass Victus шишаси билан ҳимояланган. Смартфондаги камералар сони тўртта: 64 мегапикселли асосий, 8 мегапикселли кенг бурчак, 2 мегапикселли макро ва 16 мегапикселли фронтал.
Аппарат ичига 5G алоқа тармоғини қўллаб-қувватловчи MediaTek Dimensity 1100 процессори, 6/8 гигабайт тезкор ҳамда 128/256 гигабайт ички хотира ўрнатилган. Аккумулятор сиғими 5000 мА/соат бўлиб, 67 ваттли тезкор қувватланиш функциясига эга.
Redmi Note 10 Pro’нинг расмий нархи:
- 6/128 гигабайт — 234 доллар;
- 8/128 гигабайт — 281 доллар;
- 8/256 гигабайт —312 доллар.
Изоҳ (0)