Disney юлдузи Селена Гомес мусиқа ва кино оламида етарлича муваффақиятга эришган. Куйлаган қўшиқлари орқали бошдан кечирганларини ифодалайдиган хонанда сўнгги йилларда дуч келган муаммолар ҳақида маълумот бериб ўтамиз.
Мухлислар Селенанинг канадалик хонанда Жастин Бибер билан муносабатларини яхши эслайди. 2010 йилда танишган жуфтлик 7 йил давомида бир неча марта айрилган ва ярашиб олган. Сўнгги марта 2018 йилда муносабатларини қайта тиклашга уриниш бахтли якун топмаган. Ташқаридан ҳаммаси яхшидек кўрингани билан, Селена бу муносабатларни «заҳарли» деб атаган ва Жастинни унинг феъл-атвори яхшилигидан фойдаланишда айблаган.
«Мен ҳақиқатан ҳам эмоционал зўравонликнинг қурбони бўлганман. Буни улғайганимдан кейин тушуниб етганман. Қолган умримни бу ҳақда гапириб ўтказишни хоҳламаган бўлардим, лекин мен ҳар қачонгидан ҳам кучлироқ эканлигим ва бу вазиятдан муносиб чиқиб кетиш йўлини топганимдан фахрланаман», — деган Гомес.
Саломатлик билан муаммо
2014 йилда машҳурликнинг чўққисида бўлган хонанда бирданига кўринмай қолди. У бир йил ўтиб бунга аниқлик киритган. Маълум бўлишича, 2013 йилда унга кам учрайдиган аутоиммун касаллик — қизил волчанка ташхиси қўйилган. Аҳволи ёмонлашган Селенанинг икки марта кимётерапия муолажаларини олишига тўғри келган. 2017 йилда касаллик асоратлари безовта қилгани сабабли буйрак кўчириб ўтказилишига тўғри келган. Унга дугонаси Франция Райса донорлик қилган.
Психиатрия шифохонасида даволаниш
Саҳнани вақтинчалик тарк этганидан кейин Гомесда руҳий муаммолар кузатилган. Депрессияга тушиб қолгани учун ўзини ақлдан озган деб ҳисоблаган ҳатто. 2020 йилда Америкадаги руҳий касалликлар шифохонасига мурожаат қилган Селенага биполяр парокандалик (кайфиятнинг кескин ўзгариши билан боғлиқ руҳий хасталик) ташхиси қўйилган. Махсус даволанишда давом этаётган хонанда кайфияти билан боғлиқ муаммолардан аввалгидан камроқ шикоят қилади. Дўст ва яқинлари билан мулоқот ўзини яхши ҳис қилишига ҳисса қўшишини таъкидлайдиган қўшиқчи тоза ҳавода сайр қилиш ҳам тинчлантиришини қўшимча қилади.
Вазн билан боғлиқ муаммо
Узоқ муддат давомида гормонли муолажалар билан даволаниш Селенанинг қоматига таъсир этмай қолмаган. Кескин вазн тўплаганига папарацсиячилар турли ракурсдан олинган суратларни сариқ матбуотда эълон қилмагунича унчалик эътибор бермаган. Суратларни кўрган мухлислари кумирини ўзини ташлаб қўйганликда айблаган. «Одамлар вазним ортгани сабаб менга эътироз билдиришни бошлаган. Менинг яшагим келмай қолган», — деб тан олади хонанда.
Ўзини қўлга олишга муваффақ бўлганидан кейин эса хонанда тўғри овқатланиш ва мунтазам равишда спорт билан шуғулланишга ҳаракат қилган. У тўлиқ ижодга қайтган ва имижи борасида ҳам бир неча марта ўзгаришлар қилиб кўрган.
Изоҳ (0)