Болливуд актрисаси Каришма Капур ҳақида қизиқарли фактлар (фото)

Ҳинд киносаноатида ўз ўрнига эга бўлган актёр Рандхир Капур ва Бабитанинг тўнғич фарзанди Каришма Капур 1974 йил 25 июнда дунёга келган.

Афсонавий актёр ва режиссёрнинг набираси бўлган актриса илк бор 16 ёшида суратга тушган. Унинг иштирокидаги «Севги асирлари» фильми 1991 йил экран юзини кўрган. Каришма актрисаликка тайёрланиш учун мактабни 6-синфдаёқ тарк этишига тўғри келган.

https://www.instagram.com/p/CHzgB3BF-4f/

«Девона қалб» фильми сабаб 90 йиллар охирида энг яхши иккинчи даражали актриса сифатида Миллий киномукофотни қўлга киритган.

Италиялик актриса Жина Лоллобрижитни мухлиси бўлган, онаси Лоло деб чақирган актриса Ажай Девган ҳамда Абҳишек Баччан билан муносабатда бўлган. Онасининг Абҳишекни молиявий аҳволидан қониқмагани жуфтликнинг унаштирилганидан кейин ҳаммасига нуқта қўйишига сабаб бўлган.

https://www.instagram.com/p/CJOSJwOLZ-z/

2004 йилда бизнесмен Санжай Капур билан турмуш қурган Каришма икки нафар фарзандни дунёга келтирганидан кейин, у билан бошқа-бошқа йўллардан кетишни афзал билган. Бугунга қадар 50 дан ортиқ фильмда суратга тушган актриса ижросидаги аксарият фильмлар машҳурликка эришган.

Карьерасини бошлаган вақти ўзига хос гўзаллиги билан маълум бўлган Каришманинг 2003—2004 йилларда ўз сериали ҳам бўлган. «Каришма — тўй мўъжизаси» номли мазкур сериалида икки хил турли қаҳрамонни гавдалантирган. Шунингдек, у 1998 йил Coca-Cola брендини Ҳиндистонда қўллаб-қувватлаган Болливуд тарихидаги илк актриса бўлган.

https://www.instagram.com/p/CLg-_7IrcW_/

Шридеви ва Мадҳури Дикшитнинг мухлиси бўлган актриса ижро ва рақс борасида улардан илҳомланишга ҳаракат қилган. 4 карра Filmfare мукофотига сазовор бўлган Каришма Ҳиндистоннинг энг гўзал актрисаларидан бири ҳисобланади.