Оила қуришни хаёлига ҳам келтирмайдиган Голливуднинг машҳур бўйдоқлари (фото)

Оила қуриш масъулиятини ҳалигача бўйнига олишни хоҳламайдиган 5 нафар машҳур бўйдоқ билан танишинг.

Жаред Лето, 49 ёш

49 ёшли Жаред Лето турмуш қуришга, фарзанд кўришга ҳалигача шошилмайди. «Балки, бу ҳаддан ташқари кўп саёҳат қилишимдандир. Лос-Анжелесда уйим бор ва бутун бир йилни шу ерда ўтказдим. Афтидан, мен оила қуриш ҳақида жиддий ўйлайдиган эркаклардан эмасман», — деб тан олади актёр.

Леонардо Ди Каприо, 46 ёш

Келишган Лео турли йилларда Блейк Лайвли, Жизель Бюндхен ва Бар Рефаэли билан муносабатда бўлган ва ҳозирда у 23 ёшли модель Камила Морроне билан учрашмоқда. Миш-мишларга кўра у ўз муносабатларини қонунийлаштиришга тайёр. Аммо ваъда бериш — бу турмуш қуриш дегани эмас. Шунингдек, умр йўлдош танлашда Лео нафақат юраги, балки унча-мунча номзодларни ёқтирмайдиган қаттиққўл онасининг ҳам гапига қулоқ солади.

Оуэн Уилсон, 52 ёш

Голливуднинг комедик роллар устаси Оуэн Уилсон ҳозиргача расман турмуш қурмаган. 2007 йилда актёр ўз жонига қасд қилгандан сўнг касалхонага ётқизилган — бу воқеа Кейт Ҳадсоннинг қўлини сўраганидан уч ой ўтгач содир бўлган. Қиз жиддий муносабатлардан чарчаганини айтиб, актёрни рад этган. Ўшандан бошлаб, Уилсоннинг никоҳга бўлган муносабати ўзгарган.

Жерард Батлер, 51 ёш

Жерард Батлер бир нечта аёлларнинг юрагини синдирган, аммо ҳеч қачон оила қурмаган. «Мен унинг кимгадир уйланишига ишонмайман, у кўнгилхушликларни ҳаддан ортиқ яхши кўради», — дейди инсайдер актёр 6 йил давомида учрашиб юрган интерьер-дизайнер Морган Браундан ажралганидан кейин.

Киану Ривз, 56 ёш

«Матрица» фильмининг суратга олиш жараёнларида актёр Женнифер исмли қиз билан учрашиб юрган. Кўп ўтмай қиз автоҳалокатда вафот этган, бу Кеануга қаттиқ зарба бўлган. Кўп йиллар давомида у ҳеч ким билан учрашмаган. Аммо яқинда рассом Александра Грант билан муносабатда эканини ошкор этган.