Ижтимоий тармоқларда 26 май куни Андижон шаҳри кўчаларида кучли шамол ва чанг бўронлари кузатилгани тасвирланган видеолар тарқалди.Аввалроқ 20 май куни Тошкентда кузатилган кучли шамол ерусти метро бекатларидан бирининг том қисмига зарар етказгани ҳақида хабар берилган эди. Шамол оқибатида пойтахтнинг Сергели ва Зангиота туманларига тегишли «Ўзгариш» ҳудудида электр тармоғида узилиш юзага келган, шунингдек, Тошкент вилоятининг Олмалиқ шаҳридаги айрим маҳаллалар, Ангрен шаҳрининг катта қисми электр таъминотисиз қолган. Оҳангарон шаҳрида шамол таъсирида ҳатто ичимлик суви ҳам ўчганди.
Маълум қилинишича, чанг-қум аралаш кучли шамол шаҳарда соат 18:00 дан кейин кўтарилган.
Telegram’даги «Гидрометрологик илмий таҳлиллар, об-ҳаво башоратлари, тадқиқотлар» каналининг ёзишича, ушбу шамол булут ости шамол хусусиятли бўлиб, унинг давомийлиги узоқ давом этмайди ва жуда кучли кузатилмайди.
Эслатиб ўтамиз, 19 май куни юз берган кучли шамол таъсирида Андижон вилоятининг шаҳар ва туманларида электр тармоғи хўжалиги объектларида авариявий ҳолатлар ва носозликлар юзага келганди.
Мавзуга доир: Тошкент марказида кучли шамол оқибатида Malibu устига дарахт қулади. Ҳайдовчи қиз жароҳат олгани айтилмоқда