Нигериянинг Кебби штатида Нигер дарёси бўйлаб йўловчиларни олиб кетаётган кема ағдарилиб кетди, деб ёзади Meduza.
Reuters ва AFP маҳаллий ҳукуматга таяниб хабар қилишича, кемада қарийб 180 киши бўлган, аммо у аслида 80 кишига мўлжалланган. Кемада, шунингдек, яқин орадаги қўлбола олтин конидан олинган қум солинган қоплар ҳам бўлган.
20 га яқин йўловчи қутқариб олинган, тўрт киши ҳалок бўлган. Яна 156 киши ҳали топилгани йўқ, улар чўкиб кетган деб ҳисобланмоқда.
Нигерияда кичик кемалар чўкиб кетиши кўп содир бўлади, бунга асосан уларнинг сиғими ошиб кетиши, сифатсиз техник хизмат кўрсатилиши ва ноқулай об-ҳаво шароитлари сабаб бўлади. Аммо, AFP қайд этишича, Кебби штатидаги ҳалокат сўнгги йиллардаги энг йириги бўлди.
Изоҳ (0)