Американинг B-52H Stratofortress стратегик бомбардимончи самолёти ўтган ҳафта Болтиқбўйи минтақасидаги парвози чоғида ҳақиқий МК-82 бомбалари билан жиҳозланган эди. Бу ҳақда АҚШ ҳарбий-ҳаво кучлари хабар берди, деб ёзмоқда «Интерфакс».
АҚШ ҳарбийлари тарқатган фотосуратга кўра, 21 май куни Испаниянинг Морон авиабазасида ҳавога кўтарилишидан олдин шундай бомбаларнинг тўққизтаси самолётга жойлаштирилган. B-52H самолёти ҳаммаси бўлиб, 51 та МК-82 бомбасини кўтаришга қодир.
Таъкидланишича, кейинчалик самолёт Латвиядаги полигон ҳудудига учиб кетган, унинг экипажи «Латвия авиация назоратчилари билан ҳамкорликда машғулот ўтказган». «Стратегик бомбардимон миссиялари бутун дунёда юзага келиши мумкин бўлган инқирозга ёки чақириқларга жавоб бериш учун зарурий тайёргарликни оширади», — деди АҚШ ҳаво кучлари.
Қора денгиз минтақасида машғулотлар
АҚШ ҳаво кучларининг Европа қўмондонлиги хабар беришича, бир жуфт B-52H стратегик бомбардимончилари 24 май куни Қора денгиз ҳудудига учиб, у ерда нишонларга зарбалар бериш бўйича машғулотлар ўтказган.
«Бомбардимончилар Испаниядаги Морон авиабазасига қайтишдан олдин Қора денгиз минтақасидаги шартли нишонларда ҳаракатларни ишлаб чиқди», — дейилади хабарда.
АҚШнинг Европадаги ҳаво кучлари қўмондонлиги хабарига кўра, 18 май куни Испаниянинг жануби-ғарбий қисмидаги Морон авиация базасига Барксдейл авиабазасидан 2-бомбардимон қаноти таркибидаги B-52H Stratofortress бомбардимончилар гуруҳи етиб келди.
Мавзуга доир:
- АҚШ Эстонияда ҳарбий машғулотлар ўтказишни бошлади
- АҚШнинг ўнлаб қирувчи самолётлари Польшага кириб келди, Пентагон буни «одатий ҳарбий машғулотлар» билан изоҳлади
- CNN: АҚШ Россия қўшинларининг кучайтирилиши фонида Украинани қўллаб-қувватлаш белгиси сифатида Қора денгизга ҳарбий кемаларини юбормоқчи
Изоҳ (0)