Сурхондарё вилоятининг Бойсун туманида 14 апрель куни бир неча шахс Ўзбекистон Халқ демократик партияси туман кенгаши депутати Ўктам Жабборовни таёқ билан калтаклади, деб хабар қилди партия матбуот хизмати.
Партиянинг таъкидлашича, ҳолат бўйича вилоят ИИБ жиноий иш қўзғатган, ҳозирда тергов олиб борилмоқда.
«Суриштирув ишлари бошланганига бир ярим ойдан ошган бўлса-да, ҳамон муайян бир хулосага келинмагани, тергов ҳаракатлари чўзиб юборилгани жабрланувчи, унинг яқинларининг норозилигига, партиядошларининг хавотирига сабаб бўлмоқда», — дейилади ХДП хабарида.
Партия Бош прокуратура ва Ички ишлар вазирлигини жиноят ишини назоратга олишга, айбдорларга нисбатан қонуний чоралар кўришга чақирди.
Бундан аввал Навоийда ўқувчи қизнинг онаси фарзандидан мактабга формада келишини сўраган ўқитувчини калтаклагани, Тошкентда 92 ёшли аёл қизи ва невараси томонидан калтаклангани ҳамда Қашқадарёда ўқувчига танбеҳ берган ҳомиладор ўқитувчи калтаклангани ҳақида хабар берилганди.
Изоҳ (0)