Анвар Абдуҳалимов Ўзбекистон ташқи ишлар вазирининг маънавий-маърифий ишлар самарадорлигини ошириш, Давлат тили тўғрисидаги қонун ҳужжатларига риоя этилишини таъминлаш масалалари бўйича маслаҳатчиси этиб тайинланди, деб хабар бермоқда «Дунё» АА.
Анвар Абдуҳалимов 1962 йилда Тошкентда туғилган. Тошкент давлат университети (ҳозирги Ўзбекистон Миллий университети)нинг шарқшунослик факультетини тамомлаган.
Ташқи ишлар вазирлигининг расмий вакили, матбуот котиби Юсуф Қобулжоновнинг маълум қилишича, Анвар Абдуҳалимов дипломатия соҳасида 1999 йилдан буён фаолият юритади. Вазирлик марказий аппарати ва Ўзбекистоннинг хориждаги дипломатик ваколатхоналарида турли лавозимларда ишлаган. 1999—2012 йилларда Ташқи ишлар вазирлиги Осиё ва Африка мамлакатлари бошқармасида биринчи котиб, Ўзбекистоннинг Саудия Арабистонидаги элчихонасида иккинчи котиб, Мисрдаги элчихонасида маслаҳатчи бўлган.
2018 йилдан буён Ўзбекистоннинг Уммондаги элчиси лавозимида ишлаб келаётганди.
Анвар Абдуҳалимов Ўзбекистоннинг Беларусдаги элчихонасига маслаҳатчи этиб тайинланган Раҳматилла Назаровнинг ўрнини эгаллади.
Аввалроқ Тожикистоннинг Ўзбекистондаги янги элчиси тайинлангани, Ўзбекистон элчиси Қирғизистон президенти Садир Жапаровга ишонч ёрлиғини топширгани ҳақида хабар берилган эди.
Изоҳ (0)