Тошкент Беш ташаббус ҳаракати доирасида ҳукумат вакиллари, вазирлик ва ташкилотлар раҳбарлари, жамоатчилик фаоллари, блогер ва журналистлар мулоқотлар, маданий-маърифий тадбирлар бўлиб ўтмоқда. Унда Миллий олимпия қўмитаси ва ЎФА вице-президенти Равшан Эрматов билан ҳам очиқ мулоқот ўтказилди.
Равшан Эрматов «Атлетико М» футбол клубининг Ўзбекистонга келиши ҳақидаги хабарларга аниқлик киритди.
Хабарингиз бор, яқинда туризм ва спорт вазири Испания ва Италия сафарларида бўлди. Сафар чоғида «Атлетико М» клуби вакиллари билан музокаралар олиб борилган. Биз улар билан қайси йўналишлар бўйича тажриба алмашишимиз мумкинлиги, халқаро ўртоқлик ўйинлари, мураббийларни Испанияга малака оширишга юбориш, ёш футболчиларни клуб академиясига жойлаш каби масалаларини муҳокама қилдик.Биласиз, «Атлетико М» жамоасининг тақвими жуда тиғиз, шунинг учун ҳозирча клубнинг ёшлар жамоасидан бошлаб турамиз. Кейинчалик катталар жамоаси, вақти келса Испания терма жамоаси билан ҳам ўйнаш имкониятимиз бўлади.
Равшан Эрматов, ЎФА биринчи вице-президенти
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)