Тожикистонда икки мамлакат вакиллари ўзбек-тожик чегаралари демаркация ишларини муҳокама қилди, дея хабар бермоқда Ташқи ишлар вазирлиги.
Қайд этилишича, 2021 йилнинг 17–22 май кунлари Тожикистоннинг Хўжанд шаҳрида Ўзбекистон ва Тожикистон ҳукумат делегациялари ишчи гуруҳларининг Ўзбекистон–Тожикистон демаркация қўшма комиссияси доирасидаги навбатдаги йиғилиши бўлиб ўтди.
Музокаралар давомида томонлар Ўзбекистон–Тожикистон давлат чегараларида демаркация ишларини муҳокама қилди, демаркация қилиш линияси лойиҳасини ҳамда ўзбек–тожик давлат чегарасида чегара белгиларини ўрнатиш бўйича фикр алмашди.
Томонлар Ўзбекистон–Тожикистон Давлат чегарасида демаркация ишларини давом эттиришга келишиб олди.
Тадбир якуни бўйича Протокол имзоланди.
Бундан аввал Ўзбекистон—Тожикистон чегарасида чегаравий ҳамкорлик идоралари очилгани, Қирғизистон ва Тожикистон икки давлат чегарасида ҳибсга олинган фуқароларни алмашгани ҳамда Шавкат Мирзиёев Тожикистонга ташрифи доирасида Хўжандга ҳам бориши кутилаётгани ҳақида хабар берилганди.
Изоҳ (0)