Гарри Поттернинг сеҳрли таёқчаси ва кўзойнаги аукционга қўйилади

Сувенирлар савдоси билан шуғулланувчи Prop Store компанияси 29 июнь куни Лос-Анжелесда «сеҳрли» аукцион ўтказади. Кимошди савдолари 1 июлга қадар давом этади, деб хабар беради Esquire.

Таъкидланишича, суратга олиш майдончасида фойдаланилган 1200 дан ортиқ буюм сотувга қўйилади. Масалан, «Гарри Поттер ва ўлим туҳфалари» фильмининг иккита қисмида суратга тушган Дэниэл Рэдклиффнинг сеҳрли таёқчаси ва кўзойнаги сотилади. Ушбу сувенирнинг бошланғич нархи 30-50 минг долларни ташкил этади.

Индиана Жонс ҳақидаги машҳур киносага мухлислари эса Харрисон Форд ўлим маъбудаси Калига қарши курашган қисмидаги шляпани қўлга киритиши мумкин. «Юлдузлар жанги» ишқибозлари эса R2=ShP дроид-астомеханикни уйига олиб кетиш учун «курашади». Масофадан туриб бошқариладиган робот нархи, тахминан, 120 минг долларни ташкил этади.

«Бэтмен» ҳақидаги фильмларни севиб томоша қилувчилар Майкл Китон таққан суперқарамон камарини 10 минг долларга харид қилиш мумкин бўлади.

Prop Store компанияси асосчиси Стивен Лейн кинореквизитларни 1998 йилдан бошлаб коллекция қилишни бошлаган.

Лондон ва Лос-Анжелесда жойлашган Prop Store омборларида «Арго операцияси» фильмидаги Тони Мендеснинг бейжи, Ридли Скоттнинг «Гладиатор» фильмидаги иккиталик кўприк, «Жеймс Бонд: Ҳалок бўл, фақат ҳозир эмас» фильмидаги Муз саройидаги қўриқчининг пулемёти ва бошқа кўплаб буюмлар сақланади.