Брюс Уиллис ва Жон Траволта 27 йилдан сўнг яна биргаликда янги фильмда суратга тушади

Голливуд юлдузлари Брюс Уиллис ҳамда Жон Траволта биргаликда янги лойиҳа устида ишлайди. «Pulp Fiction» («Криминалноэ чтиво») фильмидаги шериклар орадан 27 йил ўтгач, биринчи бор янги триллер — «Paradise City»да суратга тушади, деб хабар беради «Фильм.ru».

Лента сюжети Гавайи оролларида содир бўлади ва бу ҳақда ёлланма қотил Райан (Уиллис қаҳрамони) сўзлаб беради. У отасининг қотили бўлган маҳаллий жиноий тўда бошлиғидан (Траволта) қасос олиш учун оролларга қайтади. Инсайдерларнинг маълумотларига кўра, услубий жиҳатдан фильм 2006 йилда эфирга чиққан «Майами полицияси: Хулқ бўлими»га ўхшаш бўлади.

Картинага Чак Расселл режиссёрлик қилади («Ниқоб» ва «Ювгич» фильмлари). Фильмда бош ролни таиландлик актриса Прайя Лундберг ижро этади. Суратга олиш ишлари Мауи оролида бошланади, ҳозирча картинанинг экранларга чиқиш санаси маълум эмас.

Траволта ва Уиллис «Pulp Fiction» фимида киллер Винсент Вега ва боксёр Бутч Кулиж ролларини ижро этган. Шунингдек, улар «Look Who’s Talking» комедияси устида ҳам ҳамкорлик қилган бўлиб, Уиллис унда Траволта қаҳрамонининг фарзандига овоз берган.