Disney компанияси «Махлуқлар корпорацияси» анимацион франшизасининг биринчи тизерини тақдим этди. «Махлуқлар иш вақтида» мультсериали ҳақида илк бор 2017 йилда — Disney+ стриминг сервиси ишга туширилишидан олдин маълум бўлганди, деб ёзади Esquire.
Янги картина сюжети «Махлуқлар корпорацияси»даги воқеалардан ярим йил ўтгач бошланади. Метрополис шаҳри аҳолиси бу сафар болалар қўрқуви эмас, балки уларнинг кулгисини қўлга киритиш ниятида. Яқиндагина университетни тамомлаган Тайлор Таскмен исмли ёш махлуқ корпорацияга ишга киради. Энди у ўқишда ўрганган барча нарсаларини унутиши ва кулгини қўлга киритишга ихтисослашиши керак.
«Махлуқлар иш вақтида»нинг премьераси Disney+ стриминг сервисида 2 июль куни бўлиб ўтади.
Аввалроқ Disney компанияси 7 ёшга кирмаганларга «ирқчиликка оид» саҳналар мавжудлиги сабабли баъзи мультфильмларни кўришни чеклаб қўйганди.
Изоҳ (0)