Кимдир ўз истеъдоди, яна бошқалар ота-онасининг кинога алоқадорлиги туфайли болалигиданоқ суратга тушиш майдончаларида улғайган. Улар нафақат жараёнда иштирок этган, балки машҳурликка ҳам эришган.
Жоди Фостер
Жоди икки ёшида экранларда пайдо бўлган. Кейинчалик реклама роликлари ва ҳаттоки сериалларда ҳам актрисалик қобилиятини намоён этган. 10 ёшида эса «Наполеон ва Саманта» номли катта фильмда Майкл Дуглас билан роль ижро этган. Кейинчалик Жоди 14 ёшида «Такси ҳайдовчиси» фильмидаги иштироки билан машҳурликка эришди.
Натали Портман
Наталига ҳам омад 13 ёшида кулиб боққан. У «Леон» фильмидаги роли билан машҳурликка эришган. Портман кейинчалик ҳам ўз карьерасини давом эттирди ва бир қанча муваффақиятли картиналарда роль ижро этиб келмоқда.
Элизабет Тэйлор
Элизабет 10 ёшида кинодаги фаолиятини бошлаган. У илк бора «Инсон ҳар дақиқада дунёга келади» фильмида роль ижро этган. 1949 йилда эса «Кичкина аёллар» картинаси ҳам унга машҳурлик келтирган. Шундан кейин бир неча таниқли режиссёрлар билан бирга ишлаган.
Элайжа Вуд
Кўпчилик Элайжани «Факультет», «Яхши ўғил» ва «Норт» каби фильмлардан ҳам эслайди. Аммо Элайжанинг илк роли ундан ҳам аввал суратга олинган фильмда бўлган. Гарчи бош рол бўлмаса-да, «Келажакка қайтиш» фильмида иштирок этган.
Дрю Бэрримор
У китоб ўқишдан ҳам аввал киноларда роль ўйнай бошлаган. Бироқ Дрюнинг дастлабки ижод намуналари унга машҳурлик келтирмаган. Аммо «Ўзга сайёралик» фильми ёш актрисага муваффақият келтирди. Шундан сўнг уни комедиядан тортиб, драмаларгача таклиф этишди.
Леонардо Ди Каприо
Голливуд юлдузлари орасида машҳурликка жуда эрта эришган актёрлардан бири 10 ёшида ўз фаолиятини бошлади. У «Лессининг янги саргузаштлари» сериалида дебют қилган. Шундан сўнг унинг актёрлик карьераси бошланган.
Кристиан Бэйл
Кристиан Бэйл 12 ёшида «Мио, болажоним Мио» фильмида роль ижро этган. Гарчи ушбу фильм унга машҳурлик келтирмаган бўлса-да, кейинчалик таклиф қилинган роллар унга шон-шуҳрат келтирди.
Кристен Данст
Кристеннинг карьераси муваффақиятга бой. У 8 ёшида биринчи марта фильмда роль ижро этган. Шундан сўнг машҳур актёр Том Круз ва Брэд Питт билан битта лойиҳада ҳам иштирок этган. Актрисанинг истеъдоди эътиборсиз қолмади. Энг таниқли режиссёрлар актрисани бир қанча фильмларга таклиф этмоқда.
Изоҳ (0)