Ушбу ҳурматга сазовор юлдузлар ёш шунчаки рақам эканини исботлади. Улар ҳали ҳам кучга тўлган ва кино афсоналари билан ҳамкорлик қилишни орзу қиладиган замонавий режиссёрларнинг таклифларини мамнуният билан қабул қилмоқда.
Морган Фримен, 83 ёш
Морган мактаб йилларидан актёрлик карьерасини орзу қилар эди, аммо дарҳол муваффақиятга эриша олмаган. Кўп йиллар давомида у театрда фаолият юритган ва эпизодик ҳамда иккинчи даражали ролларни ижро этган. Машҳурлик фақат 50 ёшдан кейин бошланди – 1987 йилда актёр танқидчилар томонидан юқори баҳоланган «Кўча боласи» фильмида роль ўйнаган. Кейинчалик Фримен 50 дан ортиқ фильмларда иштирок этди. 83 ёшли актёр ҳали ҳам фильмларда роль ўйнамоқда – бу йил у иккита фильмда бош ролларни ижро этди.
Софи Лорен, 86 ёшда
Италиялик актриса нафақат ўз ватанида, балки чет элларда ҳам тан олинган. Ўтган асрда режиссёрлар уни мамнуният билан ўз лойиҳаларига таклиф қилган. 1991 йилда Софи Оскар мукофотига сазовор бўлган. Лореннинг ҳисобида юзга яқин фильм бор ва у бугун ҳам ўз фаолиятини давом эттирмоқда. 2020 йилда актриса асосий роллардан бирини ижро этган «Ҳаммаси олдинда» фильмида иштирок этди.
Жуди Денч, 86 ёшда
Жуди ёшлигида спектаклларда Шекспир қаҳрамонларини ижро этган. 1964 йилга келиб, фильмларда ҳам роль ўйнай бошлаган. Дастлабки роллари учун Жуди мукофотларга номзод бўлиб, Буюк Британиянинг энг муваффақиятли, истеъдодли ва изланувчан актрисаларидан бирига айланди. Бироқ Жуди ҳам машҳурликка фақат 61 ёшида эришган. Шундан сўнг, актрисанинг карьераси юқорига кўтарилиб, «Севимли Шекспир» фильми учун «Оскар» мукофотига сазовор бўлди. Жуди Денч бугунги кунда ҳам фильмларда фаол иштирок этмоқда.
Клинт Иствуд, 90 ёш
Клинт – ўтган асрнинг энг таниқли ва истеъдодли актёрларидан бири. Узоқ йиллик фаолияти давомида у тўртта «Оскар» –«Энг яхши режиссёр» ва «Йилнинг энг яхши фильми» совринларини қўлга киритди. Иствуд аллақачон 90 ёшда, актёр эса ҳали ҳам роль ижро этади ва ҳануз кучга тўлган.
Мегги Смит, 86 ёш
Меггининг ҳисобида жуда кўп театр ва кино асарлари мавжуд, аммо унинг ҳақиқий машҳурлиги 2000 йилларнинг бошларида пайдо бўлди. Гарри Поттер фильмларидаги профессор Минерва Макгонагаллнинг роли у учун аввалгисига қараганда анча муваффақиятли бўлди. Смит нафақат телевизион томошабинларнинг эски авлоди, балки кинофильмнинг жуда ёш мухлислари томонидан тан олинди. Қизиғи шундаки, бундан кейин актриса тобора кўпроқ лойиҳаларга таклиф қилиниб, унга асосий роллар берилмоқда.
Изоҳ (0)