«Тошкент беш ташаббус ҳаракати» доирасида ёшлар билан очиқ мулоқотда бош вазир ўринбосари Беҳзод Мусаев олий таълим муассасаларига кириш имтиҳонлари учун бешта фандан тест синовлари бўлиши ҳақидаги масалага тўхталиб ўтди. Бу ҳақда «Дарё» мухбири хабар бермоқда.
«Ҳозирча бу йилги тест синовларида нечта фандан имтиҳон бўлиши масаласи тўлиқ ҳал бўлгани йўқ. Бу масалани ҳал қиладиган республиканинг махсус комиссияси бор. Ушбу комиссия аъзоси сифатида сизга айтишим мумкинки, 5та фандан тест бўлиши масаласи ҳеч қаерда тасдиқлангани йўқ. Кўрдингиз, пандемия сабаб ўтган йили 2та фандан имтиҳонлар ўтказилди. Карантин тўлиқ чекинмаган ҳолатда иккита фандан топшириб, кейинги йилда бирданига бешта фандан бўлиши ҳам унчалик тўғри бўлмайди. Бу масала кўриб чиқилмоқда ва тез орада аниқ бир тўхтамга келинади», — деди Мусаев.
Аввалроқ Ўзбекистонда 2021 йилда ҳам олий таълим муассасаларига кириш имтиҳонлари стадионларда ўтказилиши мумкинлиги, айни пайтда ДТМ томонидан тестларни ўтказиш бўйича икки хил сценарий устида иш олиб бораётгани: анъанавий шаклда катта сиғимли биноларда ўтказиш; пандемия шароитидаги каби очиқ майдонларда ўтказиш вариантлари борлиги айтилган. Бундан ташқари, Ўзбекистонда олийгоҳларга кириш учун топшириладиган тест синови фанлар мажмуаси тасдиқланган эди.
Эслатиб ўтамиз, 2020 йилда ОТМга кириш учун ўтказиладиган имтиҳонлар 2 сентябрдан бошланиб, стадионларда бўлиб ўтган эди.
Мавзуга доир:
- Очиқ осмон остида ўтаётган Ўзбекистон ОТМларига кириш имтиҳонлари акс этган сурат The New York Times муқовасидан ўрин олди
- Янги Ўзбекистон университети ташкил қилинади — бош вазир ўринбосари
- «Журналист ва блогерлар, тўйимизни бузманглар, тўй тўйдек бўлсин!» — Жаҳонгир Ортиқхўжаев ёшлар фестивали ҳақида
- «Тошкент 5 ташаббус ҳаракати» ёшлар фестивали учун қанча маблағ ажратилгани маълум қилинди
Изоҳ (0)