Голливуд актёрлари Роберт Паттинсон, Юен МакГрегор ва Лили Коллинз янги хайрия ташаббуси яратилишини эълон қилди. GoCompaign ташкилотининг элчилари сифатида актёрлар Ҳиндистонда коронавирус пандемиясидан азият чекканларга ёрдам кўрсатиш ниятида, деб хабар беради «Фильм.ru».
Ҳиндистонда бир куннинг ўзида (7 май куни) 400 мингдан ортиқ одамда коронавирус тасдиқланган (ушбу ҳафтадаги кўрсаткич — 1,57 миллион). Шунингдек, мамлакат ўлим статистикаси бўйича ҳам етакчи — 2020 йилдан бошлаб пандемия оқибатида 238 мингдан ортиқ одам вафот этган.
Актёрлар томонидан ташкил этилган COVID Relief Fund ҳиндларга ПЗР-тестлар, вакцинадан фойдаланиш имконияти, оксиметрлар, жабрланган оилаларга озиқ-овқат маҳсулотлари, уй шароитида ўқитиш каби имкониятларни тақдим этади.
«Улар ҳимоя воситалари, кислород, ҳаётини сақлаб қолиш учун дорилар ҳамда егуликка жуда муҳтож. Ҳиндистонга сафаримдан энг ёрқин хотиралар қолган, ушбу мамлакат менинг қалбимда алоҳида жой эгаллайди», — дейди «Эмили Парижда» сериалининг юлдузи Коллинз.
«Бу ҳақда ҳақиқатан аҳамиятли инвестицион фонд сифатида ўйланг. Улар долларларингизни олади ва максимал натижа учун фарзандларига тикади», — дея қўшимча қилади Паттинсон.
Бунга қадар актриса ва продюсер Приянка Чопра-Жонас ҳиндистонликларга ёрдам бериш зарурлиги ҳақида гапирганди. Netflix’даги «Мен ҳеч қачон…» сериалининг яратувчиси Минди Кейлинг Ҳиндистонни қўллаб-қувватлаш мақсадида иккинчи мавсум сценарийси оммавий ўқилишини эълон қилганди. Йиғилган маблағларнинг барчаси хайрия ташкилотларига йўналтирилади.
Мавзуга доир: ЖССТ Ҳиндистондаги коронавирус билан боғлиқ оғир вазият исталган давлатда юз бериши мумкинлигидан огоҳлантирди
Изоҳ (0)