Қашқадарё вилоятининг Шаҳрисабз туманида яшовчи алиментдан қарздор ота қарздорлигини ёпиш ва хорижга чиқишга рухсат олиш учун миниб юрган Lacetti’сини хотинига берди. Бу ҳақда «Дарё»га МИБ вилоят бошқармаси ахборот хизмати раҳбари Гулноза Дилмуродова маълум қилди.
Таъкидланишича, фуқаролик ишлари бўйича Шаҳрисабз туманлараро судининг 2017 йил 13 апрелдаги қарорига асосан, Шаҳрисабз тумани Шакартери қишлоғида яшовчи Ф.Х.дан мазкур тумандаги Авазмалик қишлоғида яшовчи ундирувчи М.Х. фойдасига вояга етмаган бир нафар фарзанди таъминоти учун ойлик даромадининг 1/4 миқдорида алимент ундириш белгиланган.«Алимент тўловлари ўз вақтида тўланмаганлиги учун қарздорнинг Ўзбекистондан четга чиқиш ҳуқуқлари вақтинча чекланганди. Шу боис, қарздор четга чиқиш чекловини бекор қилиш учун фарзанди 18 ёшга тўлгунга қадар, яъни 2031 йил август ойигача бўлган алимент тўловларини тўлиқ тўлаб бериш учун ҳайдаб юрган Lacetti автомашинасини хотинининг номига расмийлаштириб берди», — дейди Гулноза Дилмуродова.
Изоҳ (0)