Тошкентда вояга етмаган шахс 22 ёшли йигитни пичоқлаб қўйди, дея хабар бермоқда Тергов департаменти.
Қайд этилишича, 2021 йилнинг 1 май куни соат 23:30 ларда вояга етмаган 14 ёшли Х.И. Шайхонтоҳур тумани «Илғор» маҳалласида жойлашган жамоат жойи ҳисобланган Авиачипта биносининг орқа томонида бўла туриб, 22 ёшли А.О.га у билан икки кун олдин саломлашмаганини, уни ёш бола кўрганини важ қилиб, ҳеч бир сабабсиз чап қўлтиқ соҳасига бир маротаба пичоқ билан уриб, жароҳат етказган.
Мазкур ҳолат юзасидан Шайхонтоҳур тумани бўйича ИИО ФМБ ҳузуридаги Тергов бўлинмаси томонидан Х.И.га нисбатан Жиноят кодексининг 277-моддаси 2-қисми «в» банди (безорилик) билан жиноят иши қўзғатилиб, процессуал тартибда ушланган.
Ҳозирда тергов ҳаракатлари олиб борилмоқда.
Бундан аввал Қорақалпоғистонда маст ҳолдаги 57 ёшли эркак хотини ва 18 ёшли қизини ўлдириб қўйгани, Навоийда 30 ёшли ақли заиф фуқаро онасини пичоқлаб ўлдиргани ҳамда Фарғонада 19 ёшли йигит уни мазах қилиб, спиртли ичимлик олиб беришга мажбурлаган икки маст эркакни пичоқлагани ҳақида хабар берилганди.
Изоҳ (0)