Тошкентнинг Яшнобод туманида 26 апрель куни тўрт автомобиль иштирокида йўл-транспорт ҳодисаси юз берди, дея хабар бермоқда Тошкент шаҳар ИИББ матбуот хизмати.
Фарғона йўли кўчасида Тошкент вилоятида яшовчи 49 ёшли Қодир А. бошқарувидаги «ЗИЛ», Бухоро вилоятида яшовчи 26 ёшли Муроджон Х. бошқарувидаги «КамАЗ», Тошкент вилоятида яшовчи 24 ёшли Асроржон А. бошқарувидаги Lacetti ва Навоий вилоятида яшовчи 53 ёшли Элдор Р. бошқарувидаги Spark ўзаро тўқнашган.
«Дастлабки маълумотларга кўра, ЙТҲ Spark автомобили ҳайдовчиси бошқарувни йўқотиши сабабли юз берган, оқибатда у Lacetti ва ‘КамАЗ’га бориб урилган, ўз навбатида Lacetti ‘ЗИЛ’ билан тўқнашган», — дейилади ИИББ ахборотида.
Ҳодиса оқибатида тан жароҳати олганлар йўқ. Тошкент шаҳар ИИББ ҳодиса юзасидан суриштирув ишларини олиб бормоқда.
Мавзуга доир:
- Сергелида Isuzu билан тўқнашган Damas ағдарилиб кетди
- Бухорода Lasetti ҳайдовчисининг ухлаб қолиши оқибатида ЙТҲ содир бўлди
- Тошкентда ҳайдовчилик гувоҳномаси бўлмаган 17 ёшли йигит бошқарувидаги Nexia юк автомобилига урилди
- Сурхондарёда Nexia-2 бетон тўсиққа урилиши оқибатида ҳайдовчининг отаси вафот этди
Изоҳ (0)