Интернетда янги Toyota Land Cruiser 300’нинг илк видеоси пайдо бўлди. Гувоҳлардан бири Toyota заводи тураргоҳини видеога олишга муваффақ бўлган — майдончада ўнлаб йўлтанламасларни кўриш мумкин ва уларда маскировка плёнкаси мавжуд эмас, деб ёзади Motor.
Toyota ҳамон Land Cruiser 300’нинг премьераси борасида ҳеч қандай изоҳ бермаган, янги моделнинг ташқи кўриниши эндиликда сир эмас. 300’нинг салони сурати февраль бошида пайдо бўлганди.
https://www.instagram.com/p/CN_zy3ihfEH/
Инсайдернинг таъкидлашича, Land Cruiser лонжерон ром, қирқилмаган орқа кўприк, узатмаларни камайтирувчи мунтазам тўлиқ узатма ва ғилдираклар орасидаги дифференциални блокловчи функцияга эга бўлади. Аммо архаик олти поғонали узатмалар қутиси ўрнини гидротрансформаторга эга 10 поғонали узатмалар қутиси эгаллаган, V8 моторлар оиласи эса ўз ўринини V6 двигателларга бўшатиб беради.
Toyota Land Cruiser 300’га оид тўлиқ маълумот баҳор охирига қадар эълон қилинади, чунки ишлаб чиқарилган «уч юзлар» сонига кўра, моделнинг тажрибавий ишлаб чиқариши аллақачон бошланган.
Эслатиб ўтамиз, 2020 йилнинг ёзида Toyota Land Cruiser Prado механик узатмалар қутисидан воз кечиши маълум бўлганди.
Изоҳ (0)