Руби ва Гарольд 1950 йилда турмуш қурган. Уларнинг тўйида сураткаш бўлмаганлиги туфайли, Гарольд буни кеч бўлса-да амалга оширишни истади ва тўйининг 65 йиллиги шарафига фотосессия ўтказишга қарор қилди. Уларнинг самимий туйғулари акс этган суратларга кўз ёшисиз қарашнинг иложи йўқ.
Гарольд ва Руби бутун ҳаётини фермада ўтказди, улар чорва боқади. Шунингдек, Гарольд боғдорчиликни яхши кўради ва ортиқча маҳсулотларни бошпанаси йўқ инсонларга тарқатади.
Жуфтликнинг 5 фарзанди, 7 набираси, 14 чевараси ва яқиндагина туғилган биринчи эвараси ҳам бор.
Суратга тушиш учун Гарольд тўй маросимидаги бўйинбоғини тақди. Буни кўрган Руби кўз ёшларини тия олмади, унинг фикрича, ўтган йиллар мобайнида Гарольд деярли ўзгармаган.
Сураткаш Рубидан йиллар давомида нима уни бахтли қилганини сўради. Руби бунга «Гарольднинг ҳамиша ёнимда эканлиги», дея жавоб қайтарди.
«65 йил давомида ўтган ҳар бир он бизни тобора яқинлаштирди, — дейди Гарольд, — Шунингдек, бизда ўзгармас анъаналар мавжуд: мен Рубини бўсалар билан уйғотаман ва унга қаҳва тайёрлайман».
«Мен ҳеч қачон ишламаганман, — дейди Руби, — Агар сиз севимли одамингизга ёрдам бераётган бўлсангиз, қандай қилиб ҳайвонларга ғамхўрлик қилиш ва боғдорчиликни иш деб аташ мумкин».
«Биз абадий муҳаббат бор ёки йўқ эканлиги ҳақида ҳеч қачон ўйламаганмиз. Биз шунчаки муҳаббат билан яшаймиз».
«Бизнинг яна қанча умримиз қолганини билмаймиз, лекин шуниси аниқки, ҳаётда жуда омадлимиз».
Мавзуга доир:
Изоҳ (0)