Австралиянинг Сидней шаҳрида қиймати бир миллион доллар турувчи мамлакатдаги энг катта бриллиант ўрнатилган узук аукционга қўйилди, деб хабар беради «Korrespondent.net».
Бриллиант оғирлиги 25 қиротни ташкил этади, оригинал ҳолида ушбу олмос 50 қиротга яқин бўлган. У Канададан топилган.
Узук ўзининг кимлиги сир қолишини истаган мигрантга тегишли бўлиб, қимматбаҳо тақинчоқнинг ён томонлари майда тошчалар билан безатилган.
Таъкидланишича, узукка ҳозирнинг ўзида бир неча эркак қизиқиш билдирган.
Аввалроқ ҳиндистонлик заргар томонидан ясалган 7801 та бриллиантли узук Гиннеснинг рекордлар китобидан жой олган эди. Заргар ушбу узукни ясашга деярли бир йил вақт сарфлаган.
Изоҳ (0)