Дейв O’Нил исмли австралиялик комик Мельбурндан Перт шаҳрига парвоз қиладиган Qantas авиакомпаниясининг самолёти рейсидан жой брон қилишда оёқлари учун кенгайтирилган жой хизматини танлаган ва қарийб 1 миллиард долларли ҳисобни олган, деб хабар беради «Korrespondent.net».
«Салом, Qantas! Мен фақатгина Перт рейсида оёқларимни узатишга қўшимча жой хоҳлаб, бунга пул тўлашдан хурсанд эдим, аммо у кутганимдан бироз қиммат бўлиб чиқди», — деб ёзади O’Нил ўзининг Twitter’даги саҳифасига. Шунингдек, у 987 999 999 долларлик чипта скриншотини ҳам ижтимоий тармоққа жойлаган.
Айрим фойдаланувчилар Дейв O’Нил бир неча маротаба «самолёт сотиб олиш» тугмасини босиб юборган деб ҳазиллашмоқда.
Маълум бўлишича, операция вақтида тизимда носозлик юзага келган. Qantas ҳозирда бунинг сабабини аниқламоқда.
Авиакомпания вакилининг аниқлик киритишича, Дейв фойдаланишни истаган қўшимча хизмат нархи 70 долларни ташкил этади.
Изоҳ (0)