Шотландиялик қизнинг Twitter’да ёзган пости 96 ёшли бобосининг китоби Amazon’да бестселлер бўлишига сабаб бўлди

Шотландиялик Жессика Кичининг бобоси ёзган шеърлар тўплами ҳақидаги твити китобни Amazon’да бестселлер бўлишига сабабчи бўлди.

9 апрель куни Жессика бобоси Гордон Маккалокнинг бутун ҳаёти давомида ёзган шеърлар тўплами сотувга қўйилгани ҳақида Twitter’даги саҳифасида ёзган. У китобни сотиб олишни истаганлардан қўллаб-қувватлаб, сайтда изоҳ ёзиб қолдиришни сўраган.

https://twitter.com/jessica_keachie/status/1384185560126791680

Эртаси куни китоб бестселлерга айланган ва Amazon сайтидаги шеърият бўлимида биринчи бўлган. Тўплам ҳақида илиқ фикрлар ёзиб қолдирилган. Ўқувчилардан баъзилари Жессиканинг вирус каби тарқалган твитини кўрганидан кейин китобга буюртма берганини таъкидлаган.

https://twitter.com/jessica_keachie/status/1384537958372499456

Қизнинг твити ёзилган вақтдан буён 240 минг марта лайк олган ва 38 минг марта репост қилинган.