Kiprda yashovchi qiz to‘yi kuni dunyodagi eng uzun fatani kiyib, Ginnesning rekordlar kitobiga kirdi. Bu haqda Guinness World Records xabar berdi.

Foto: Guinness World Records

Ma’lumotlarga ko‘ra, Mariya Paraskeva kiygan to‘y ko‘ylagining bosh qismidagi bezak 6 962 metr uzunlikda.

Foto: Guinness World Records

“Men bolaligimdan buyon eng uzun fata bo‘yicha Ginnesning rekordini yangilashni orzu qilar edim. Ushbu fatani to‘liq yoyib chiqish uchun menga 6 soat va 30 nafar yordamchi kerak bo‘ldi”, − deydi ayol.

Foto: Guinness World Records

Ginnesning rekordlar kitobining Instagram’dagi akkauntida Paraskeva kiygan to‘y libosi videosi paydo bo‘lgan. U 25 mingdan ortiq layk to‘plagan. Shuningdek, tarmoq foydalanuvchilari bosh kiyimning uzunligiga qoyil qolgan.

Foto: Guinness World Records

Ular tomonidan “Odamlar bu kabi g‘oyalarni qayerdan oladi?”, “Aqldan ozish mumkin”, “Uning o‘lchami maydon kattaligida”, “Avvaliga men uni uzun o‘rgimchak to‘ri deb o‘yladim”, − deb izoh qoldirilgan.

Foto: Guinness World Records

Yana ayrimlar ushbu uzunlikdagi fatani noo‘rin deb hisoblagan va “Nega bu ishni qilding?”, “Men odamlarni yomon ko‘raman”, “Juda ko‘p mato behuda sarflangan”, “Bu shunchaki jinnilik”, “Kuyovning asablari temirdan bo‘lishi kerak”, deya fikr bildirgan.

Foto: Guinness World Records