Amerikalik qiz og‘ir kasal otasi uchun shifoxonada turmushga chiqdi

Amerikaning Konnektikut shtatidagi Midltaun shahrida yashovchi qiz og‘ir kasallikka chalingan otasi nikoh marosimga kelolmasligi tufayli shifoxonada turmushga chiqdi. Bu haqda KPLC 7 telekanalining sayti xabar bermoqda.

Yangi yil bayramida Xuan Estela nafas olishda qiynalishni boshlagan. Uni darrov kasalxonaga yotqizishgan. Tahlil natijalariga ko‘ra, unga terminal saraton kasalligi tashxisi qo‘yilgan. U qizi Saraning nikoh to‘yini ko‘ra olmaslikdan qo‘rqayotgan edi.

Otasining xohishini bajarish uchun Sara va uning sevgilisi Maykl Kristek to‘y marosimini kasalxonada tashkil etishga qaror qildi. “Biz barchasini ertakdagidek bo‘lishini xohladik”, − deydi kelin.

Nikoh marosimi 2021-yil 16-yanvarda bo‘lib o‘tgan. Kelin sariq himoya kiyimida, marosimga tashrif buyurgan mehmonlar esa niqob va qo‘lqopda edi. “Mening uchun eng muhimi, otamning borligi”, − deydi Sara.

Juftlikning to‘yiga tashrif buyura olmagan yaqinlari Zoom orqali masofadan turib, bazmda ishtirok etgan. Saraning singlisi Alisa Brou ham mashinadan turib, ularning to‘yini kuzatgan. Afsuski, to‘ydan ikki kun o‘tib, 2021-yil 18-yanvar kuni vafot etgan.