Самарқанд вилоятидаги 4 та болалар боғчасида ўқув ва тарбия жараёни масофавий шаклга ўтказилди. Бу ҳақда «Дарё»га вилоят мактабгача таълим бошқармаси ахборот хизмати раҳбари Умида Мамадалиева маълум қилди.
Маълум бўлишича, Самарқанд шаҳридаги 1-, 2-, 31- ва 80-сонли мактабгача таълим ташкилотларида коронавирус инфекцияси аниқланганлиги сабабли бугун, 23 апрелдан бошлаб ушбу муассасаларда машғулотлар масофавий шаклга ўтказилган.Бошқарма ахборот хизмати раҳбари Умида Мамадалиеванинг қўшимча маълумот беришича, таълим-тарбия масофавий шаклга ўтган боғчаларда 4 нафар тарбияланувчи ва 2 нафар тарбиячида коронавирус касаллиги аниқланган.
Эслатиб ўтамиз, аввалроқ Тошкент вилоятида 14 та мактаб, Бухоро вилоятида эса 11 та мактаб ўқитувчи ва ўқувчиларда коронавирус аниқлангани сабаб карантинга ёпилгани, Самарқанддаги 35 та мактабнинг ўқитувчи ва ўқувчиларида коронавирус аниқлангани учун эса мактаблардаги ўқув жараёни онлайн шаклга ўтказилгани маълум қилганди.
Изоҳ (0)