Гитлернинг шахсий буюмлари Австралиядаги кимошди савдосида сотилди (фото)

Австралиядаги аукционда бир вақтлар Адольф Гитлерга тегишли бўлган жами саккизта буюм сотилди. Бу ҳақда Daily Mail хабар қилган.

JB Military Antiques компанияси ташкиллаштирган кимошди савдосида сотувга қўйилган ҳар бир буюмда нацистлар белгиси ва Адольф Гитлернинг исми ва шарифининг бош ҳарфи (А.Н) яъни инициаллари ёзилган. Хусусан, қутилардан бирида сигаретлар солинган қути, графин, муз учун идиш, соус идиши ва соқол чоткаси бор эди.

Портсигар ва соқол чоткаси энг харидоргир буюмлардан бўлди, уларнинг ҳар бирини сотиб олиш учун 20 дан зиёд сўров берилди ва буюмларнинг бошланғич нархи 9,7 минг АҚШ долларини ташкил қилди.

Якунда экспонатлар орасида 22 минг АҚШ долларига сотилган порцигар аукциондаги энг қиммат буюмга айланди.

Гитлернинг идиш-товоқлар тўплами 19 минг долларга сотилган. Мазкур буюмлардан ташқари фюрернинг соқол чоткаси 14 минг долларга, оқ металл корпусли кўзгуча 11 минг, оёқ кийим учун металл дастали чотка эса 10 минг долларга сотилган. Гитлернинг рафиқаси Ева Браунга тегишли санчқи 2,9 минг АҚШ долларига пулланган.

Ушбу буюмлар 500 та ҳарбий предметлар орасида сотилган ва уларни аукционга қўйган коллексионер хўжалик анжомлари жуда нодир ва камёб эканлигини қайд этган.

2021 йил февраль ойида Адольф Гитлернинг шахсий буюмлари АҚШда кимошди савдосига қўйилганди.