Жиззах вилоятининг Шароф Рашидов туманида кредит маблағларини талон-торож қилган жамият раҳбарининг яна бир фирибгарлиги фош бўлди, деб хабар бермоқда Бош прокуратура ҳузуридаги Иқтисодий жиноятларга қарши курашиш департаменти матбуот хизмати.
Департаментнинг Шароф Рашидов туман бўлими томонидан ўтказилган терговга қадар текширувда «А.Қ.» хусусий корхонаси раҳбари О.Ж. ва бошқалар корхонага банк муассасасидан ишлаб чиқариш ускуналарини харид қилиш учун ажратилган 185 миллион сўм кредит маблағларини бошқа мақсадларда сарфлаб, ўзлаштириш ва растрата қилиш йўли билан талон-торож қилгани аниқланган.
Шунингдек О.Ж. фуқаро Н.га тадбиркорлик фаолиятини йўлга қўйгач, катта даромад олишга ваъда бериб, эвазига унинг 162 миллион сўм нақд пулларини фирибгарлик йўли билан қўлга киритган.
Мазкур ҳолат юзасидан Жиноят кодексининг 167-моддаси (талон-торож қилиш) ва 168-моддаси (фирибгарлик) билан жиноят иши қўзғатилиб, тергов ҳаракатлари ўтказилмоқда.
Аввалроқ Тошкент вилоятида 173 миллион сўмни талон-торож қилган мактаб директорига жиноят иши қўзғатилгани ҳақида хабар берилган эди.
Изоҳ (0)