Bugun,

  • USD 10940.05
  • RUB 182.26
  • EUR 11121.65

Toshkent viloyatining Toshkent tumanidagi 26-sonli umumiy o‘rta ta’lim maktabida o‘tkazilgan tekshiruv yakuni bo‘yicha maktab direktori S.X. (ayol) tomonidan jami 173 843 900 so‘mni rastrata qilish yo‘li bilan talon-toroj qilinganligi aniqlandi, deb xabar bermoqda viloyat prokuraturasi matbuot xizmati.

Holat yuzasidan unga nisbatan 2020-yil 10-dekabr kuni Jinoyat kodeksining 167-moddasi 3-qism “a” bandi (ko‘p miqdorda o‘zlashtirish yoki rastrata yo‘li bilan talon-toroj qilish) va 209-moddasi (mansab soxtakorligi) 1-qismi bilan jinoyat ishi qo‘zg‘atilgan. Dastlabki tergov davomida S.X. tuman Xalq deputatlari kengashi deputati bo‘lganligi aniqlangan.

Shu sababli uni deputatlik daxlsizligidan yechish va jinoiy javobgarlikka tortish uchun rozilik olish uchun tuman Xalq deputatlari kengashiga taqdimnoma kiritilib, jinoyat ishi Jinoyat protsessual kodeksning 364-moddasi 1-qismi 1-bandiga asosan harakatdan to‘xtatilgan.

2021-yil 14-aprelda S.X. deputatlik daxlsizligidan yechilganligi va jinoiy javobgarlikka tortish tuman Xalq deputatlari kengashidan rozilik olinganligi sababli shu kuni ish yuzasidan tergov harakatlari tiklangan.

“Hozirda jinoyat ishi bo‘yicha dastlabki tergov harakatlari olib borilmoqda va tergov yakuni bo‘yicha qonuniy qaror qabul qilinishi ta’minlanadi”, — deyiladi viloyat prokuraturasi xabarida.

Avvalroq Toshkent viloyatining O‘rta Chirchiq tumanida maktab ta’miriga ajratilgan 242 million so‘m talon-toroj qilingani, Samarqandda maktab qurgan firmaning rahbarlari 631,7 million so‘m mablag‘ni talon-toroj qilgani, Qoraqalpog‘istonning Chimboy tumanida maktab filiali binosini rekonstruksiya qilish uchun ajratilgan mablag‘dan 105 million so‘m talon-toroj qilingani, Jizzaxdagi maktabda 200 million so‘mdan ortiq budjet mablag‘lari talon-toroj qilingani haqida xabar berilgan edi.

Izoh
Asosiy yangiliklar
Mahalliy
Putinparast raqqos Toshkentda urushga chorlovchi qo‘shig‘i uchun senzura qilinganini aytmoqda. O‘zi nima bo‘lgandi?
Dunyo
Ganjani vayron qilgan 11 ballik zilzila, Gutenberg chop etgan ilk kitob, Suriyada harbiy operatsiya boshlagan Rossiya qo‘shinlari. Kun xronologiyasida 30-sentabr
Dunyo
Rossiya Zaporojye va Xerson viloyatlari mustaqilligini tan oldi