Дубай ҳукумати Cruise компаниясининг ҳайдовчисиз бошқариладиган Origin шаттларини харид қилишни бошлайди. Бу ҳақда амирлик валиаҳди Шайх Ҳамдан ибн Муҳаммад Ол Мактумнинг расмий сайтида эълон қилинган, деб хабар беради Motor. Эълонда шаҳзода Америка фирмаси билан 2030 йилга қадар 4 мингта автоном электрокарларни етказиб бериш бўйича битим имзолаган.
Origin’нинг дастлабки ташувчилари амирлик бўйлаб 2023 йилдан бошлаб ҳаракатланади ва 11 мингта оддий таксидан иборат паркнинг бир қисмига айланади. 2030 йилга бориб яна мингта ҳайдовчисиз бошқариладиган автомобиллар хизматга жалб этилади — улар таксиларда амалга ошириладиган барча сафарларнинг чорак қисмини эгаллайди.
Ҳайдовчисиз бошқариладиган Оригин шталли 2020 йил бошида тақдим этилган. Унинг асосини General Motors электроплатформаси ташкил этади ва ҳайдовчига муҳтож эмас. Бир нечта камера ва сенсорлар йўл ҳамда атрофдаги объектларни кузатиш, шунингдек, қоронғи ва ноқулай об-ҳаво шароитида ҳаракатланиш имконини беради. Ихтирочиларининг сўзларига кўра, бу каби автоном машиналар 1,5 миллион километр йўл босишга қодир.
Cruise — Сан-Францискода жойлашган стартап бўлиб, ҳайдовчисиз бошқариладиган автомобилларни яратишга ихтисослашган. Унга 2013 йилда асос солинган ва орадан уч йил ўтиб, стартапни General Motors концерни сотиб олган. Бу вақт давомида Американинг мазкур компаниясидаги ишчилар сони 40 нафардан 1800 нафарга етган, умумий капитализацияси 30 миллиард доллардан ошади.
Эслатиб ўтамиз, январь ойида Microsoft рул ва тепкиларсиз автомобилни яратган Cruise компаниясига 2 миллиард доллар сармоя киритганди.
Изоҳ (0)